晚餐之芝士蒜茸肉碎焗茄子

今日佛誕唔洗返本來可以瞓晏啲，但星期六的節目喺去老豆到，都係早起去準備湯同一部份餸，今晚家姐同姐夫都過來食飯，下星期喺家姐做奶奶的大喜日子，我已整咗麻辣青瓜配手撕雞，同炆咗只黑椒豬手，叫老公買定魚，蝦同茄子，再整一個好味又簡單焗茄子，好好味同大家分享之餘都簡單講哩個茄子做法，下午出去同老豆飲完茶又係搞掂完就回家，返到去預備茄子入焗爐，炒個菜，灼個蝦，煎牛扒快快手手又開餐

 材料：茄子3-4只，肉碎$10, 蒜茸2湯匙，牛油20g,
             芝士100g，蒜鹽1湯匙

先將肉碎用豉油，糖撈勻

 茄子切片用鹽水浸

浸咗鹽水就唔會黑

 蒜頭去衣洗淨啄碎

 將茄子放入焗盤先pop茄子加入蒜茸灑些蒜鹽

 將茄子pop哂，面就加上碎肉

最後加入切片的牛油

放入焗爐 營190度先焗15分鐘

 焗到牛油蓉了

Pop上芝士 

 再入爐多焗10分鐘

 焗到芝士金黃色就食得

晚餐之炒麵

今日全部人返哂，以為好得閒星期五通常上午忙完，下午就清潔廚房訂下星期食材，洗油池，收水同拖寫字樓，點知啲人話唔舒服昨日已無返，喺主任面前咳話咳到死，咁就有特權早就，咁中途又要去幫手，唉真唔明點解人哋做咩都可以，我就點做都比人不停搵錯去講，好悶今晚放工無咩心機，唔想整太多又炒粉麵，好彩家人好好煮咩都食無難道，炒個麵同菜滾熱昨晚淨的湯，真係好簡單的一餐

晚餐之香煎黃花魚

今日又有人唔舒服無返，下午又有個話有事走二點，我見自己搞得掂淋住好心幫下手，點知比人一句講曬唔哂幫話做掂自己嘢都偷笑咁就算，點知主任入來同我講少咗個，叫我幫手我就話我想幫但有人叫我唔洗幫，點知個人發皮話我上午好忙好心叫我搞掂，我都費事再出聲而最好笑個主任唔出聲就走，如果唔係我可能又話我，算啦已經放棄你哋想點就點，下午就點到我暈，我食點九，點半就叫我食話下午無人我要出面幫手，咁是旦飲湯食少少就做咗自己廚房先，我覺得她們真過份我幫她們，咁我自己嘢又點，但我知自己一定無問題，但好唔公平，是實上邊有公平哩樣嘢，總之啲人想點就點，好忙的一天終於放工，今晚本來二個食完留餸留湯，二個女都話遲返，最後就因我遲走買完餸回家都七點幾，煮完她們都差唔多回來就食住等，簡單煎咗黃花魚，可能太趕又心情唔好，煎到條魚唔靚，但她們就食得好開心，炒個菜焗個骨，簡簡單單又一餐

晚餐之同同學慶生日在龍寶

昨日紅雨搞一搞有啲亂，今早將昨日仔無食的茶點改今日，而午餐就今日食，原本今日的好彩未完全解凍，可以立即收起轉下餐用，點知茶點麵包唔夠，啲人唔知做過咩，最好笑就係主任走來問我有冇帶包回家，我喺度做咗就來一年，唔好話攞食都唔會，我自己好多時整返去請入食，唉好悶唔講啦，今晚有個同學生日我哋又去龍寶，今次買一送一還加只芝士焗蟹，但她們覺得清蒸會好啲，但我就覺得幾好因未試過

晚餐之焗三文魚頭

今日回校途中，突然收到天文台剛發紅雨，啲同事就好開心無仔返可以話唔洗做，我就唔同無分別只係煮少啲，一樣咁忙，切切洗洗搞掂時間都差唔多要煮，有時太多嘢切，就邊煮邊切，啲人就好少理，今日好彩花姐入來幫下手，可能習慣煮完好自然叫她幫手封食物或者唔講都知，好合拍可惜又可以點，人哋食飽就休息，我還要清洗碗碟同廚房，跟著就準備明天的食材，每日啲時間都係用到盡先收工，今晚淋住去超市買啲肉就算，因有湯，菜同魚，大女打來問明天帶河粉好唔好，咁開到聲一定無問題，咁放工又入去街市睇下買唔買河粉同芽菜，今日可能早就咩嘢都買到，返去肉片蝦仁炒河粉，焗三文魚頭加多個菜又有湯開飯啦