豐富晚餐之在家提早興祝母親節

而家時間過得好快好快又到星期六，放工去老豆到飲茶清潔煮晚餐已經喺星期六必定節目，今晚大女的男友話請我出去食同我提早過母親節，我話煲咗湯買餸回家煮無謂出去同人迫，點知我妹又上來更加無謂出去食，搞掂完老豆回家又六點幾，啦啦聲上街市買魚買菜，估唔到今晚啲餸唔貴，蝦都係$70斤好大只，買條好大的班都係一百，再去超市買腩片點知買唔到就買包雞翼整最簡單又快的媽咪雞翼，點知大女的朋友仔買礶鮑魚來又士多啤梨同蛋糕，即食鮑魚返熱就食得，咁老公就話煮咗他種的有機蘿蔔苗去墊底，煮煮下都有成七個餸唔太好就喺雪櫃攞返盒舊餸出來當八樣，老公真係好搞嘢，大家好開心傾下食下又一餐，飯後食蛋糕同士多啤梨，阿妹都好開心話多謝豐富的晚餐

 有機蘿蔔苗煮吉品鮑

 九皇芽菜雞脾菇煮響鈴

清蒸大海蝦

 薑蔥蒸班

 媽咪雞翼

 芝士牛油蒜茸肉碎焗茄子

 蒜茸炒白菜仔

 粉葛排骨湯

 玫瑰花片真珠士多啤梨蛋糕

 啲cream好有牛奶味唔溜好好味

士多啤梨好大好鮮甜 

 有機蘿蔔苗

晚餐之梅菜蒸肉餅

每日啲人都可以搵嘢講，我只係想完成張約先走，做人有頭有尾，真係唔知可唔可以去到尾，自己都打定隨時走的心態，但又唔會是旦做，我都一樣盡心做，高層唔認同，老師同學生仔滿意就心足，我唔明點解可以開眼講大話，話我唔夠heart, 味道好賣相唔得，我做咗咁耐剛先聽到有咁樣的平價，由我入職到現在每日西人食完都會專登入廚房同我講多謝，好好味食得好飽，啲仔去洗手間也專登去廚房門口睇下，見唔見到我，一見到我就話今日午餐好好味我食咗幾多食得幾快，就係因為咁我先有動力繼續唔理個啲搞事精，但現在已無心情繼續留底，就算老師同學生幾好幾滿意我都無用，因為高層唔睇繼續被人玩都喺時候離開，由得啲人繼續，今晚放工返到去本來無心情煮，點知個細話回來食咁又入咗街市買條魚，再蒸梅菜肉餅都好耐無整炒多個菜又開飯啦

晚餐之番茄肉片炒蛋

當自己盡心盡力去做，而得唔到上司認同就喺時候離去，喺呢度唔經唔覺做咗十個半月，人與人之間相處真喺一種學問，估唔到自己過咗大半世現在先來學，夠經喺我唔好彩預到哩啲人還是自己真的有問題，本來想做打不死的小強，現在都要放棄好失望好無心機，放工時都淋住唔去街市，直接回家的超市，點知落車就走入街市，原來想去買六合彩最後都唔記得，無啦啦買咗好多嘢，炒個菜，煮個翠玉瓜已經夠，點知大女話好耐無食蕃茄蛋，咁又煮多樣快快手手又一餐

晚餐之冬菇豆卜炆排骨

今日轉入來幫我的回來了，她比我們早入來做多我們二年，估唔到一樣被人食住，人話咩就咩明知要做都當唔知，好，我理得理喜歡就做唔喜歡我都無有怕，自己一樣搞得掂，現在的我已做了好一段日子，已經熟習哂時間都control到，仔雖然轉咗新菜單，大人的自己寫都無難度，今日煲粥炒伊麵，蒸餃同生菜，搞掂完還有十分鐘休息下，一個舊人可以比新人點到無乎真可憐，今晚放咗工，大女無去私補就話倍我買餸，今早已煲湯後出門，只係買菜同淋下買肉煮咩，最後買咗排骨去煮豆卜加啲冬菇同雲耳，炒個菜蒸魚又開餐啦

晚餐之鮮淮山拌豬手

放完二日假今日又開工，五月又新菜單新助廚，好黑仔第一日個助廚就請病假，花姐轉咗出去睇廁所，現在只有自己一個，今日已經無咗個人幫，花姐又入唔到來，其它人就只做自己嘢，好忙好忙差唔多十二點先完成，好彩都叫做搞得掂，今晚收工好大雨，返到去喺街市買菜時，菜檔叫我買支鮮淮山，話煲湯又得，炒又得蒸排骨都可以放碟底做拌菜，今晚有只豬手就用半條試下，真係幾爽好好味，滾個紫菜魚蛋湯，炒菜煎魚就食得