同大囡慶祝生日在滿屋

好耐未試過阿囡正日生日一齊食飯慶祝，先祝囡囡生日快樂，身體健康，事事順心幸福快樂，呢二日話天氣好差同打風，訂咗枱同阿囡食生日飯，昨晚細妹打嚟問明天是否照舊會打成嗎？我話應該唔會掛明天再聯絡，真係好好彩全程都好天無落雨還有太陽，大家都好開心，滿屋都喺同之前一樣，多咗啲新食物，出面都有些熱食同沙律，因為出去攞嘢要帶口罩，所以我就無出去，細妹就幫我攞嘢飲，我就點食物，去過幾間放題此中覺得呢間最好食，所以今次都喺嚟呢度，食物種類多又新鮮，而家午餐都有清酒飲，老公見到有清酒但又寫明午餐無提供，見人斟他又學人斟，回來試飲話一次就夠，味道好似我浸的糯米酒一樣，但加咗水好淡唔好飲，其它食物都好好味，價錢都喺無加，一個人連加一都喺210左右，邊食邊傾太開心好快又三個鐘，最後食埋每人都有個特別雪糕後就離去

每樣小小可以再試其它，魚生都多款，但我哋都喺食呢幾樣，如果好喜歡魚生喺度食真係好抵

 今次羊架老公話好味，可以食多件

 我就喜歡呢個蒜茸炎燒三文魚

 呢個蝦子沙律又喺好好味

 竹笙魚翅都好食

 吞拿魚壽司同蝦子壽司

 芝士牛肉同鰻魚壽司

 清酒

 花膠都好大件

天婦羅蝦好好味，新鮮做出嚟真係唔同啲

 海膽手卷喺大囡最愛

 個個食得好飽，只得細妹食少少甜品

 呢個就係限量板雪糕

每次我妹食放題有榴槤波就無走雞，又係只得她食，太飽都可以食得落2粒

悠閒的星期六

咁快又星期六，已經休息一個星期，6月媽咪過咗預產期還未有聲氣，醫生叫她呢二日無動靜就星期一入院催山，咁應該星期尾就開工，好好休息埋呢幾日，老公今日都唔洗返，大囡要返工，細囡又話返學就準備簡單咖啡，麵包做早餐，搞掂二個出門都係8點幾諗住瞓多陣，但最後都係無瞓清潔下，老公起身就一齊簡單咖啡麥皮，麵包加多只蛋又一餐，12點幾就同出官塘幫個媽咪買些少坐月用的食材，跟住就去飲茶，估唔到好多人等咗差唔多45分鐘先有位，而家疫情感覺無咁緊張，所以啲人都出嚟行下食下嘢，真係太耐無出嚟無我想像中咁靜，飲完茶再周圍行多陣就回家，諗住簡單一煲過，二個囡都有節目，點知細妹問有冇飯黐，開到聲當然唔可以一煲過，買咗條班，細妹最愛的茄子同燒鴨，最快手又係蕃茄湯，今次就用之前食淨的雞去煮，蕃茄有營養配咩一齊滾出嚟啲湯都係咁好飲，簡簡單單又一餐

豐富晚餐同大囡提早過生日

又喺放假中，過幾日大囡生日，疫情開始有改善，大家都開始正常工作，今晚煮咗豐富晚餐同大囡提前過生日，其實都係普通她喜歡的，本來話要食西餐煲咗蕃茄薯仔魚湯突然有啲事出咗去，最後都喺是旦煮，星期日正日又訂咗食放題到時食好啲，預祝囡囡生日快樂，健康幸福，蛋糕都喺細囡早日做定送比家姐，家姐當然話好好味，而家大啦唔洗唱生日歌，哈哈哈我就非常喜歡，開開心心又一餐

蒜蓉牛油蒸元貝

焗薑蜜雞翼拼薯條

蕃茄薯仔大魚尾湯

菜心炒墨魚滑

蠔油炆牛仔肉

免焗簡單的oral 芝士蛋糕

晚餐之土匪雞翼

今日本來約咗十月媽咪補簽合約，因為疫情關係同我又開工都無時間，呢幾日放假就諗住簽埋先，點知媽咪話臨時有時出唔到嚟，咁就約個還未回到美國的同學出嚟飲茶傾下，因為唔知幾時先再見，她好開心立即出嚟飲茶傾，在家無所事事每日同老公周圍行，2個囡又在美國，他們二個又返唔到去，飲完茶又買餸回家煮，雖然放假都真係好忙，日日都約人出去，明天又約咗12月的媽咪傾下如果啱就簽埋，今晚細囡話想食雞翼，咁就容易啦，醃好入爐焗完就搞掂，炒菜蒸肉餅又開餐

本來咸蛋蒸點知家中無，就加只普通蛋做咸蛋一樣咁好味

買咗礶頭鮑，而家好平又試下呢礶有5只，加埋冬菇煮一煮變咗個豐富菜

 土匪雞翼喺二個女最雞

昨晚淨的比目魚起肉加2只蛋炒一炒又有魚

電飯煲焗蛋糕

好想食蛋糕，但又無焗爐，如果有個飯煲就可以啦，呢個提子海綿蛋糕喺剛完工家姐仔最喜歡，家中又無焗爐就用咗飯煲，媽咪好鍾意叫我教她點整，所以又分享一下

材料：雞蛋3只，底根麵粉50g, 糖30g
油20g, 奶或水30g, 提子隨意加或唔加

 雞蛋將蛋白同蛋黃分開，放入蛋白的器皿唔可以有酒同水，一定要乾身，因為呢個蛋糕無加泡打粉喺靠蛋白打起先鬆軟

 先用高速打蛋白或可手打蛋白

 打到蛋白變白有啲泡

 就加入一半的糖繼續打

 糖溶哂後就加埋淨抵的糖

 繼續打到蛋白硬見到有勾就可放埋一邊

跟住將奶同水加入蛋黃用慢速打勻

 打勻後哂入麵粉

 麵粉拌好

 就將一部份的蛋白加入快手拌勻

 拌勻後

 將淨下的蛋白放埋繼續快手拌勻

提子可加或唔加，如果加就要先放入飯煲底，如果想香啲可喺飯煲底搽一層牛油後才放提子

 最後將麵糊倒入飯煲入面後

按下煲飯制，個個飯煲都唔一樣，如果按完一次跳制可用竹簽插入睇下蛋糕熟未，如果竹簽黏有麵糊就按多一次就可以

 跳制後就可將蛋糕倒出放涼就可以食