晚餐之燒排骨

放假都係一早起身整早餐，午餐盒，個個出哂門口都係7：30左右，本來可以再去眠一眠，點知家姐一個WhatsApp就好忙，知我放假就會帶孫過嚟玩，當然食埋午餐，一早信息就係話想食雞蛋仔，炒個米粉可以多啲食唔哂攞走，咁就自己食早餐後上街市買嘢順便買今晚的餸，雖然有返豬肉，但之前見過啲價錢好離譜，都係唔同人搶去咗超市買咗包成條金沙骨，返去解凍再浸5分鐘鹽水就會去雪味，將排骨抹乾水加入2湯匙义燒醬同1湯匙花調酒醃一醃今晚入爐230度30-45分鐘就食得，每晚都係簡單魚，肉同菜，開開心心又一餐

晚餐之星洲炒米

開始又放假等6月媽咪生咗就開工，雖然放假但都喺如常起身做早餐，午餐盒後應該可以再去綿一綿，但因為3月媽媽的仔仔唔合作唔埋身搞到媽咪塞咗，咁買咗料過去探下她順便睇下，阿仔好食得無見一個月好得意，而呢個媽媽好好不停都有比阿仔啲相我，今日見返真係唔同哂，可能太熱下身就紅哂，教工人一定要洗乾淨同搽煩士林，而家出咗只專比BB粉紅色蓋，好多BB都合適，搽幾次無事就唔好再搽，午餐買咗媽咪最喜歡的粉同配料煮一餐一齊食，呢個媽咪對工人好好，雖然有二個工人，以前一個囡囡都唔煮，而家湊二個更加無喺家開火食，所以二個工人好幸福，她的囡囡好開心，食咗都好多，食完搞掂哂就同媽咪按下，再試下阿仔埋身可能喺唔舒服真的唔埋，最後都喺按完再加我準備的通奶消炎茶，連飲幾日所以教工人姐姐煲，時間真係好快傾下影下相又要回家買餸，今晚買咗料炒老公最愛的星洲米，連返咗二個月都係路途搖遠，晚晚回家都係一煲過最快最簡單，今晚就煮好些少

 只雞蒸完啲湯又可加入湯

 將啲頸脚去煲蕃茄湯

又順利完成一個工作

時間過得好快，唔經唔覺個幾月又喺時候要走啦，每次 last day 都好唔舍得，今晚本來唔洗太夜，但囡囡可能唔舍得我，餵完奶後又好似想去便便諗住搞埋先走，最後都無痾咁媽咪叫我快啲走怕人多，點知真係人多又塞車搞到9點先返到家，叫他們食先我返到去先煮麵比我，好啦講下呢個媽咪有親人幫手無工人全奶粉，太耐無做全奶粉而呢個媽媽又好緊張，飲奶粉喺比較燥，大便一般都比較難，呢個囡囡初時幾日都可以，可能排胎便有幾次，回家後就好難，呢個囡囡早咗二星期出嚟，唔夠5磅好似只貓仔，新手爸媽都好怕整親囡囡，她們出院那晚我收工就立即過去跟下，因為早咗我又未完工，呢個囡囡食奶都好難只係30-50ml左右餵差唔多要一個鐘，大便就更難剛回家3日都未有好擔心我又晚上過去幫BB按摩順利出咗便便媽咪放心哂，怕BB腸有事，我就解釋同教她簡單按肚，應該喺BB身體機能未完全成熟所以先難大便，但媽咪就覺喺奶粉問題要轉，我都比她試，但轉咗都一樣，今次自己失策因為BB已經適應咗，二日都唔洗再幫就痾到雖然都見她痾得辛苦，點知又轉又重身試過，唯一做到就係每日同BB按摩不同的穴位，先健脾等她飲得好啲唔好成個鐘先飲完同飲多啲，再幫她安啲穴位喺無咁容易嘔同便便每日都有，去到滿月BB重得好，打滿月針都差唔多重咗1kg易，而家就好湊好多，今次完工最開心喺可以順利令BB一日一次大便，飲奶快咗15-20分鐘就飲完90-100, 嘔的情況都改善，咁媽咪就可以容易處理我就安心完工，呢個月做得好開心，媽咪都合作未生前食好少，但呢個坐月比平時食多好多倍，唔知喺咪誇張，但無論點喺度祝她們一家健康快樂幸福，好多謝呢個媽媽的信同完工利市
其實坐月一啲都唔悶，餸菜款式會不同，初清淡後期就可煮媽咪喜歡的，每日都有不同的燉湯同湯，令媽咪食得開心又有營

 每個BB滿月我都喜歡做紅雞蛋同蛋糕比她們等她們健康快樂

星期日的一天

時間真係好快又星期日啦，今日都喺好忙，一早起身先煲咗粥就去街市買湯料，暫時未有新鮮豬都唔影響我，可以食冰鮮，雞，魚其實對我都無咩影響，而個媽咪都係唔介意而且又差唔多完可以食，雞同魚，湯我就盡量用雞加腰果，黃豆煲出嚟啲湯都好好飲，買完料就回家2個囡今日在家趕功課，咁就先煲好皮蛋咸蛋粥，炒過麵，蒸腸粉，燒賣同平安包，喺之前完工的媽咪專登比我食咗一家平安，真係好多謝她，食完煲好湯就同老公出去搵老豆飲茶，飲完回家啲囡又要搵嘢食，見好耐無整雞蛋仔就又搞下，今次還整麻薯波波，之前試好多食譜都唔得，今次再試終於成功，一個全用木薯粉，而另一個就加糯米粉加木薯粉，二個都好成功但她們就覺得糯米粉比較好味啲，以後隨時想食都可以，而雞蛋仔就整咗好多味，有加咗提子，有啲加椰絲同朱古力，當然都有原味，跟住晚餐就簡單魚，肉菜，之前開工晚晚都粉麵一煲過，今日就要煲湯炒下菜，開開心心又一日

簡單的晚餐魚，肉同菜，今次用咗之前完工的工人姐姐幫我買的印尼沙爹，攞咗嚟醃雞翼同金沙骨，味道唔錯我怕太濃無加鹽就只係欠些少咸但都好好味，應該做串燒肉用嚟點更好味

早餐都好豐富又買咗油條今次就無整炸兩，食粥時加入粥又另一種食法

呢個喺長洲專登買返嚟再比我的麻茸平安包，好大個分四份食一個已經夠哂

喺焗爐再返熱又脆同可以去減啲油，耐唔耐食下都幾好

 個個都愛的炒麵

 芝士麻薯波波

 出爐啦都唔差，出邊買實在太貴啦

 好多口味的雞蛋仔

 加左提子

 加椰絲

回程時好唔小心上巴士上層無位行返落去乂錯腳，只係整親些少，但電話就飛咗落地，保護貼同套就爛咗，真係算好彩

豐富的母親節晚餐

今日喺一年一度的母親節，祝大家母親子快樂，以前二個母親在就會早上去奶奶到飲茶，下午就返去同阿媽午餐，晚飯就多數家樓下食，全日都係食但就唔洗做休息一日，但今日就好忙一早7點起身煲好粥去街市買餸再去超市睇下，估唔到豬有事無哂豬肉買，感覺成個街市都死氣沉沉，去到超市可能晏啲連雞都無，買完回家炒麵，整左炸兩真係食米唔知價，一條油條要成11蚊真係幾肉呎，見咁耐無食過都比錢唔想比人話我運吉，整好同啲囡食咗早餐，煲好湯準備晚餐料就出門去同老豆飲茶，飲完回家就準備晚飯，家姐成家大細過嚟熱鬧一齊過，老公就唔開心因為我做餐飽，明天還要返工，我就無所謂人多一齊熱鬧下不知幾開心，兒甥女還買咗蛋糕做飯後甜品，雖然今日好忙但就充實同開心

 早餐： 

咸蛋皮蛋粥

 豉油炒麵炒

 餐包，腸仔包

 炸兩