喜歡煮食的我, 每日開心煮和大家分享每一餐
話咁快明天就係新一年的大年初一，2老還在時就同大伯，叔仔二家人到我家團年，每年呢個時候要返工都會提前做定一部份餸，30個日提早收工就買菜,班同蝦，今年都係女返工，本來話簡單食，最緊要就一家一齊食，老公就突然話自己砌個盤菜試下，咁呢2日就早啲去街市買咗部份食材，準備好花膠，冬菇，比較要多時間準備的，今晚可以早半小時收工，搞掂哂啲嘢，個媽咪又買完嘢回來5點左右就收工，今晚到處都好多人都不減新年氣氛，我就好心急回家幫手做盤菜，雖然咁早走但回家都6點半，先蒸雞，浸菜，老公就焗返熱鴨，我就準備其它配料出水，一邊煮一邊砌好多料，阿囡又買咗日本酒回來比我哋試，準備大家圍爐就開餐，開開心心食住迎接新一年，在這預祝大家新一年身體健康，疫情快過大家回復正常生活
時間過得好快，今日喺年30，預早祝大家早新一年事事順心，身體健康，日日都開開心心幸福快樂過每一天🍻🥳🥳
今年好忙無停過，呢個媽媽好好，對工人姐姐都好，因為教工人姐姐所以做到2月尾，主要喺想我教她照顧好BB， 通常有姐姐的都會教識她一齊，最緊要喺學喺做就容易處理，等我可以輕鬆安心完工，呢個工人姐姐都好好彩有個咁好的顧主，可以一齊食飯，食咩都得，最重要做好工作就可以，無咩要求清潔簡單，照顧BB就可以，媽咪話我完工後姐姐做唔切可叫外賣都無問題，昨日媽咪出去拜年貨，我安排姐姐清潔好一齊迎接新一年，呢個媽咪回來同我講明午食燒肉，她自己唔食牛但買咗牛比我同姐姐話食好啲，自己食豬買咗盒50幾蚊，而我哋盒牛就要160幾，跟住叫我安排有咩可燒喜歡就買回來，我就專登買咗她喜歡的鴨，魚柳，雞軟骨，又在家帶咗蚊好的羊腩請返媽咪食，希望大家過一個愉快開心的年30，媽咪見到好多嘢好開心，預備好開餐時又到要餵BB,叫媽咪同姐姐食先我搞掂完先食，媽咪好客氣專登燒咗塊牛叫我試食，好似怕姐姐會食哂，呢個姐姐都暫時可以，初嚟唔會自動自覺去做，而家就好好多，同她講多幾次又在她面前做等她見到要自動去做唔洗成日講，第一次喺媽咪家可以咁樣食一餐真係好特別，可能都係唔太慣，只係搞掂完沖沖食咗幾塊牛，同雞翼，少少雞軟骨就算，姐姐就好開心不停食，差唔多由頭跟到尾，媽咪話原來她都好食得，媽咪好開心同囡囡講明年你就可以同我哋一齊食，到時再叫Auntie Angel 過嚟一齊食，我話好如果休息一定嚟，開開心心又一餐
過幾日就係新一年，呢幾日都喺好忙，雖然有姐姐幫手都喺無5：30收工，返到家都喺超市買菜多，老公有時收早就幫我整定，差唔多晚晚都係簡單一煲過煮粉麵，啲囡唔想再食外賣，話食粉都就得，咁有時會醃好雞翼，魚柳，金沙骨方便老公回家先將呢啲入焗爐焗，跟住浸菜就方便快捷，所以就算一煲過食粉麵都唔太悶，有時買到檬粉，懶粉就會煮呢類，而家就唔洗成日都係雜丸，腸仔呢啲嘢，今晚阿囡話自己加餸叫爸爸準備菜同少少粉就可以，而家啲囡好舍得成日買呢樣果樣比我哋試，邊樣喜歡就買，好似今晚咁買咗長腳蟹同海膽，之前都食過海膽一啲都唔識欣賞，阿囡話今次唔同第二個國家無咁腥，還叫老豆煲少少飯，又買埋紙菜，今次都真係幾口味，但唔太喜歡的的就覺得無需要再食，一啲都唔值，好似長腳蟹幾只就幾百蚊，去彀後都無嘢睇，老公就覺一啖一百就唔值，喺我心目中唔係唔識食，只係覺得唔需要咁浪費，阿囡成日想買成只話都喺千幾蚊，對我嚟講食餐自助就好過食一只，我喺喜歡食好多唔同種類的人，每樣食少少會開心啲，哈哈哈真係唔識欣賞，簡單晚餐就變咗矜贵豐富
時間過得好快又一個星期啦，今個星期都係忙，雖然工人姐姐到咗，晚晚都係6：30後先走得，先教姐姐簡單煮食，清潔，晚餐都係準備好，只係做簡單蒸魚同炒菜，下星期回去就教她照顧BB, 本來18號完工。因為姐姐未熟，而家就做到2月尾先完工，過幾日就過年咩嘢都未準備，一早起身食咗簡單早餐就清潔一下，因為下午又約咗7月媽媽出嚟傾同簽約，因為一直開工，早時的星期日又幫家姐做月子餐，早2星期開始有時間就約啲媽咪簽約同家訪，過年會放幾日到時可以休息一下，疫情關係邊度都唔想去，今晚諗住煮返餐買魚同買蝦，最後同媽咪傾完順便簽回家都差唔多6點，只去超市買咗只雞同魚柳，簡單煮白汁蘑菇魚柳，蒸雞後斬件再加個蔥油，味道真係唔同好食好多，簡簡單單又一餐
話咁快又到星期日，今日都係早起因約咗3月媽媽家訪，整咗簡單同老公食完我就出門，通常唔熟地方都會早啲去搵下，方便自己遲啲開工容易因時間，呢個媽咪好好，簡單講解生前有咩注意同生後的飲食同注意，睇下需要的物品，BB瞓覺同沖涼地方，了解一下到開工時就好處理，因為頭幾日會比較忙，家訪最主要喺送啲炒米茶包比媽咪帶埋入院，生完就隨時有得飲，媽咪同奶奶都喺度傾得太開心，傾到過咗午餐時間真係唔係幾好意思，之後還請我食午餐後已經3-4點回家，忙咗好耐今晚終於親身煮返餐，啲囡食外賣同一煲過粉麵食到怕，見時間還早就順便買餸回家煮返餐，整咗她們最愛的咕嚕排骨，馬頭買比啲媽咪食就多，今晚就試下對魚一般的我就覺得無咩特別，阿囡話頭痛就買咗大魚頭回去燉天麻，好少飲藥材湯的女兒就覺得好難飲，老公就好喜歡特別喺食魚頭，炒個蒜蓉豆苗同釀紅黃椒又開餐
