又順利完成一個月的陪月工作

時間過得好快又Last day , 每次都係好唔舍得，做咗30幾個媽咪第一次喺完工人媽咪突然發燒，今早回去媽咪講感到乳房脹痛還有發燒雖然唔高，我都非常緊張先換好衫第一時間先check下，但又唔係太利害先按鬆叫媽咪立即泵，可能喺時間太耐，唔夠瞓精神緊張等都會影響，跟住就煲通草黃不留行子比媽咪消炎止痛先，不停叫媽咪休息同多飲水，中午時消未退就食咗退燒藥，收工時就再按多次後泵奶，好彩終於無燒而且乳房都鬆，咁我完工都放心，呢個月好開心叫做順利完成工作，呢個媽咪比較西化，好多都唔跟做，但她告訴我已比第一個好好多，老公喺德國人，所以今次比我感覺唔似做一個月，好似好耐，因為第3星期已經唔跟食，會食pizza, 早餐唔食飯，薑水都係用花灑沖完再淋就算，每次都提她月坐得好將來病痛就會少，又教她的工人整麵包，蛋糕，唔同種類的小食，呢個媽咪好喜歡食，所以感到做老師多啲，初初BB食完好多時回吐，直到而家將BB湊到最少重1.5kg 而且無再回吐，而家已經可以食到140-150，2只腳仔好似蓮藕一節節好得意，又喺一個開心果，表情多多，完工前一日剛好滿月，媽咪咩嘢都無搞，我就午餐買咗條班同燒肉請她們食開開心心慶祝一下還有紅雞蛋同蛋糕，每個BB滿月我都會送給她們，希望她們每日都健康幸福快樂

又喺一個表情多多的BB

滿月唔少得我自家制的紅雞蛋同蛋糕

第一次收到用英文寫的信

部份煮比媽咪的餸

最喜歡的豬腰

竹笙冬菇炆排骨

露筍松子仁炒三文魚粒

完工準備湯包教工人姐姐燉比媽咪繼續補足100日

其中一款護髮湯

唔少得補氣血的螺片北芪黨參燉烏雞

杜仲補腰湯

晚餐之韓式壽司

時間過得好快又星期日，呢個星期都好忙，雖然多咗個新工人，但完全好唔掂，洗奶樽咁簡單的工作同蒸完後砌返都做咗3-4日都搞唔掂，媽咪還叫我教她餵奶，沖涼我都怕咗她，最好笑洗衫都應該之前會做過的，媽咪要求手洗BB衫都喺好正常，我哋都會如果媽咪要求，點知洗完扭唔乾又唔用盤裝好出去露台，就咁滴住水行出去，我見到立即叫她行返轉頭，全部扭一次比她睇，她話已扭過，我就教她做一次，總之做嘢好優悠，每樣嘢經她手可以成個鐘，做到好忙咁真係自己做好過比她做，但都無法都係要比她做到得，睇下個媽咪想點我都係盡力協助，今日雖然休息但都好早起身，約咗出年4月的媽咪傾，所以都早起同老公簡單食咗早餐，清潔一下搞掂就出門，今早無諗過整午餐因為12點左右就要出門，點知大女起身問有咩食，我話要出門無準備，她就話今日無約人專登在家陪我，咁就煲個皮蛋雞粥同炒個麵比她們後出門，順便買餸回家煮，又話想食韓式壽司可以自己，叫我買火腿，醃咗的蘿蔔同蟹柳...等需要的物料，放假就可以點整都得，但返工就無咩時間簡單一煲過或外賣就算，同個媽咪傾完就幫而家個媽咪買咗啲中藥，還有個多星期就完工，希望媽咪繼續補有工人幫手，就準備好等她們容易處理只係加雞或肉去燉就可以，買齊嘢就回家，阿囡又話日式义燒拉麵，無日式义燒改用雞扒同元貝鹵蛋加個菜又開餐

之前果個媽咪給我的薑醋成日都唔記得食，今晚就返熱加多幾只蛋

本來豬潤加入拉麵到，但阿囡唔想就炒埋喺菜到

呢個所謂的韓式壽司有蛋，火腿，醃蘿蔔同蟹柳

雞扒拉麵

晚餐之新鮮鮑魚煮到煙韌似乾鮑

又到星期日，今日可以在家休息一下，但都喺好早起身同老公食個簡單早餐，跟住清潔一下睇下電視上下綱，雖然休息但都自己攞嚟忙，煲粥整燒賣同煮豆漿做麵包又忙一日，昨晚老公買咗新鮮鮑魚，因為一煲過煮麵食就無煮，跟住就將鮑魚洗淨去彀用蠔油冰糖同2只指天椒全部放入飯煲炆30分鐘，出嚟口感煙韌好似乾鮑炆出嚟一樣好好味，今晚就將它加入冬菇煮非常好味道，輕輕鬆鬆又一日

今日用冬菇，帶子，蟲草花，雲耳同豬肉做的燒賣

今日做的排包

帶子蟲草花冬菇雲耳豬肉燒賣

時間過得好快，開工2個星期啦，每日都好似好忙，回家又夜食完飯整理明日的早，午餐料後就瞓覺，因為第二日又早起，開工頭二日都好忙，大家都要適應同教媽咪點樣餵人奶，換片要注意咩，沖涼有咩注意又要睇下媽咪有咩唔舒服再配合一些啱食的食物，每日都會有湯同燉湯，而我喜歡自己整啲小食比媽咪飲燉湯時食，有好多唔同種類的小心，全部都喺啱媽咪食，等她們開開心心坐月，燒賣都喺其中一款，家人都未試過，今日放假就準備材料整咗呢個帶子蟲草花燒賣，簡單又易整，只係將自己喜歡的材料切碎或搞碎再加入豉油，糖同生粉撈埋就包得再蒸10分鐘就食得

水滾後蒸10分鐘

材料：帶子18-20粒，蟲草花1湯匙，雲耳10只，冬菇2只，瘦肉20蚊左右，雲吞皮$5

調味：豉油1湯匙，糖半湯匙，生粉1湯匙

先將全部材料洗淨，冬菇同雲耳浸軟

將材料切碎或搞碎後加入調味再搞勻就可以包，（如果喺方的雲吞皮就要收剪到圓先容易包同美觀

晚餐之老公煮完工豐富海鮮餐

今日順利完成2個月的陪月工作，老公都要返工諗住買外賣回家，雖然呢幾個月多咗食外賣，因為每晚回家都8-9點，老公都要返工，啲囡又多數在家食，好多時老公會煮但他話日日都喺果啲嘢，他又唔識變咁各自會加啲外賣嘢，完工想買多啲食得豐富，點知收工時睇到老公話今晚買咗魚，蝦蟹，叫我哋唔好再買，返到去已經煮好，真係好豐富已經有大半年無食蟹，老公好舍得買咗2只肉蟹，我喜歡食但要有時間慢慢食，今晚就可以慢慢享受因為明天休息，咩嘢都可以留明天做好開心老公煮得好好味，傾下食下就成個鐘有出去食自助的感覺，開開心心又一餐