晚餐之粟米魚柳

今日喺五一勞動節的補假又唔洗返，下星期日是母親節見今日有時間就同家姐阿妹去拜祭媽咪，一早又起身煮個齋煲飯同沖茶，家姐就買生果同花，而阿妹就去到買些少衣紙，拜祭完通常就去飲茶，但今次各有事趕著走就無去飲，我同老公就搭車回家，二個女都話好耐無食魚柳，今晚想食粟米班塊，咁就上街市買菜，魚同其它就回家，難得她們喜歡我就樂意去煮，食飯時大女講下昨晚露營的趣事而細女又講下暑假的安排，簡單的晚餐，一家人一邊食一邊傾對我嚟講已經喺快樂事，開開心心又一餐

晚餐之荷葉飯

今日喺五一假期，本來可以瞓晏啲，點知大細女都要去camp, 細女入去幫手，幫完今晚回來食，咁叫完細又論到大女，搞掂完個人都醒哂，就出去買料煲湯，下午又喺去奶奶到搞掂完就同老公去富臨飲下午茶，估唔到今日還有特價，以為下星期母親節就今日應該無下午茶或特價，今日轉咗單有鳳爪排骨，但好咸，又叫咗菜苗餃，估唔到唔同樂富的富臨，富臨四只水晶皮而哩間就粉果皮只得三只，飲完就去apm睇平板，個大女比錢叫我自己買禮物，但最後都買唔到太貴最後就回家，今晚食三個就簡單煮個荷葉飯炒個菜同什菇豆卜炒肉片又開飯啦

晚餐之又烏頭又芽帶魚

終於星期五今日超忙，又要預備下星期二的食材，又要洗油池又清潔，啲人真係好無聊明早的工作未完今日嘢就叫我做，我真係彩她都有尾，話明早做點知啲人叫我自己做，好有本事就唔好做我都好少理，是實上好有問題做唔到就話辦事不力，做得到喺應該，阿頭話我煩事只係自己想點就點，唔尊重她唔同她講，我真係學唔到人雞毛蒜皮的事都大駡一餐，立即搵她插，喺唔喺真係咁得閒唔洗上堂，啲人一叫就來，阿頭唔識做就可以搞到啲人咁寸，唔係無所謂就好欺負，唔係解決到就得咩，原來有啲地方的人唔理咩嘢級數都喺咁，無話可說，今晚遲咗走返到街市六點幾，買菜同魚就得，因細女回來食一早已煲定湯同昨晚醃咗金沙骨，入到去買咗牙帶魚好底話收工，又見烏頭幾好淋住買來做凍魚，點知蒸完細女話好耐無食，咁就一齊上又開飯啦，一家人一齊食就算簡單的餸都會開開心心食

晚餐之生菜炒麵

又星期三食什糧，今日喺炒麵，紅米粥同燒賣，啲人去到盡專登自己帶嘢，搞到淨好多入哂垃圾桶真浪費，所謂阿頭又玩嘢，唔係底層次先有搞針對，有個西藉老師講得啱有人的地方就有是非，喺好無聊雪櫃唔可以放自己嘢，要放入去就通知我，她知我唔會理，有個西人放咗嘢入雪櫃，好日都唔放，一放就出事連我都被連瀘，話我辦事不力雪櫃我理咩嘢都要知，邊個放入去幾時攞走都要講，有啲人可以做咩都得但有啲連去到老師位都唔得，真係好有問題，放工時大女打來話明天想帶隻，我就問食咩炒粉，點知又炒麵，淋起今午的就好唔開心，但都無理買斤麵點知又無芽菜，行行下連椰菜都無買，回家先發現咁叫老公買又未上到車，返到來可能都買唔到，有生菜就用生菜炒，從未試過的事總會有機會，滾個節瓜湯炒個菜，焗幾塊豬扒比啲女，是是但但又一餐

晚餐之三文頭，腩骨二食

啲人可能更年期，每段時間就玩唔同人，今個月又好似論到我，咩嘢事都睇唔順眼，最好笑就喺度等你有咩出差，立即就去插，有時插唔夠就咩嘢都睇唔順眼，我真係好唔明點解啲人咁鍾意搞嘢，我就可能鋒芒太露招人不滿，因為我喺一個有禮有規矩的人，又同西人溝通到，而又唔好彩遇到啲無禮貌無文化同只會大聲同惡的人，一個唔識字又要以為自己好了不起，喺人都要順她意，否則後悔莫及，我就好少理總之唔好搞到我，老公好掛住啲三文魚，放工又去買咗魚頭，骨同腩，咁將魚尾滾豆腐湯，薑蔥煮魚頭骨，焗幾只雞翼，炒個菜煮多個金菇腩片粉絲又開飯啦