二人晚餐之一煲麵

放完一日假更忙，好彩昨天已帶料回家安排訂料，否則今日在學校一定做唔切，今日做到無停手，因為加咗早收同事的工作，開學幾天已經好辛苦都唔知做唔做得來，因為時間好趕而且趕完餐飯又要做其它，由返去到收工都無咩時間休息，搞掂哂所有工作又剛好收工，收工時更激氣，每星期六半日就要跟其它姐姐做清潔，明天開始因學校有節目就返遲15分鐘，放遲15分鐘而我當初已講咗唔遲走，咁放工時就叫我照常，但就要負責做茶點的事，好似明天食蛋糕就要買定，還要我明早回去時才買，今晚放工時就去訂，我真係聽她講就死，我無理放工已浪費時間就買好，明天直接帶回校，好攰返到家已七點去超市買些少野就回家，今晚只有我同老公食就是旦煮咗麵，有時就係咁是是但但又一餐

簡單二人晚餐

今日無啦啦多日假，可以休息一下，但都好早起身因細女要入Hall Camp, 大女又要去開會，咁煲咗粥整咗炸兩食完各自忙，我同老公就去奶奶到睇下有冇野幫手，搞掂完就同老公幫細女買日用品後買些少餸就回家，現在都要開始二人的生活，今晚就簡單滾個豆腐湯，炒個莧菜同蒸件鯇魚二餸一湯都唔世四十蚊，簡簡單單又一餐

炸兩配豬骨粥

今早細女要搬部份傢俱入宿舍跟住又去camp, 大女又返中心開會，雖然放假可以瞓晏啲，但都係早起煲個粥同整啲腸粉，今次喺自己想食昨晚買咗油條又買唔到腸粉，個女就話喺家樓下買，我就話太貴要淨腸更唔底，最後個女唔理就出咗去帶咗四條腸粉回來還自己整，只係好簡單返脆油條，將腸粉小心打開加油條，就可食到脆脆炸兩喺我最愛，剛用哂芝麻立即炒炒，大家好開心食完就各自各忙，簡單又味美的一餐

晚餐之排骨蒸茄子

今日喺學校做到無停手，明天放假就更忙，連訂料都無時間，放工時都喺帶回家寫寫，星期五回去再跟跟，放工買完餸已經七點幾，真的好攰休息一陣又開始自己的晚餐，今晚個個回來之後就忙上堂同工作，咁就會只有我同老公食，細女入宿舍住就要星期六，日先回來，大女工作就唔定時有時還要喺院舍瞓，老公又喺好多野做，晚晚都超時去回家都八點幾九點，開始各有各忙，今晚就專登上街市睇下買到咩，好彩還有魚，魚老又話叫我買咗幾只蟹等他收工，咁就買咗但唔得，水蟹唔新鮮最後食咗2只腳就無食，條魚就好好，茄子又平買咗七蚊三只，再買排骨淋住炒最後就用咗一只去蒸，快手快腳又一餐

材料：排骨$20，茄子1只，指天椒1只，薑茸1湯匙

醃料：豉油1湯匙，糖半茶匙，水1湯匙，生粉1湯匙

 先洗淨排骨抺乾加入醃料撈勻

 茄子切幼條

 切好放入碟底

 Pop上排骨，面放上薑茸同指天椒

 水滾蒸15分鐘

 蒸好多焗5分鐘左右確保全熟

晚餐之芥蘭炒火鍋腩片

今日好唔開心，正式開學真的好忙未停過手，表面上減咗但實際加咗而最興就喺話我從來無幫手去開枱，估唔到啲人可以閉上眼這樣講，這幾個星期見自己做到都幫手有時還自己一個做，算啦人在做天在看睇下那些人最後點，我最初好唔開心有同事同我講要做，就繼續不用理她人怎說，做自己新安排的工作跟時間表做，學完野就走喺我真的要學學她，真係好多謝她常提點我，我舊老細講得對，我在溫室大，外面的世界好難適應，我現在過了半世才去再學習過人事關係，太叻招人說話，做得太多又唔得，總知好難
今晚返到去又好遲，又係去超市買咗菜，魚肉就回家，雖然心情唔好但都照煮三餸一湯，買咗芥蘭老公最愛，點知啲女都喜歡食哂