哩幾日都好是旦食, 個女話好似好耐無食飯, 當然啦最近考完試就多多節目, 咁今晚就煮2樣滾多個菜湯, 天時熱唔喺太想企喺粒邊咁耐, 我最喜歡入焗爐, 用飯煲等唔需要睇火的餸, 好似今晚醃左雞翼又唔想煮就簡單加d雞脾菇和冬菇一齊入爐焗又好味又簡單
喜歡煮食的我, 每日開心煮和大家分享每一餐
2014年7月3日星期四
香辣蕃茄意粉配什錦菜湯
今晚好懶只有我和細女食, 老公約左同事食, 本來就簡單在飯煲煮個意粉就算, 乾手淨腳, 點知細妹話記錯今天約左人, 現在無飯食上來得唔得, 我話無煮, 她就話出去食, 又唔早講已煮左啦, 我就無法已煮左意粉如果無問題就上來, 她又話好, 咁我又要加多樣, 就是旦家中有咩就放哂落去, 想懶都唔得
2014年7月2日星期三
同學聚會在萬寶素菜館
今晚又出左去同班同學食飯, 老公同女自己食, 有個同學是素食者介紹到萬寶打邊爐, 我咁大個女都喺第一次打素邊爐, 一去到有生果, 紅豆炒和涼粉任食, 我地就食住生果等齊人先開爐, 同學介紹叫左個拼盤後散叫, 哩個盤就咩都有, 樣樣野d味道都好似, 唔講都唔知食緊素餐, 大家食吓講吓又要走, 開心快樂的一餐
2014年7月1日星期二
果皮薑絲蒸鮑魚興回歸
時間過得真快又到七一, 最近幾年的7月1日都會同d同學去飲茶聚一聚, 今年好多個都出國玩, 只有幾個同學有時間上來晚餐, 今日準備好晚餐料後就做了椰糖椰絲糕做飯後甜品, 再做左菠蘿包和提子包明天做早餐, 本來人唔多就簡單幾樣, 點知老公好豪氣話要食鮑魚興回歸, 簡單用果皮薑絲蒸鮑魚再加個豉油汁, 好鮮甜, 大家都開開心心傾傾講講又一餐
果皮薑絲蒸鮑魚
訂閱：
文章 (Atom)