疫情過後開始正常生活，大家都好忙碌，而我都喺開緊工，有啲同學去咗外國探孫，有啲去咗旅行，而家難得齊人，今晚齊人6個又出嚟一聚，開工後日日都好忙，晚晚都遲成個鐘先走，今日已同媽咪講約咗人最遲6點前要走因為出去都要成個鐘，但到收工阿囡好扭個媽咪搞唔掂，整整下又6點幾先走最遲又喺我，大家等埋我先叫有半圍好抵食$1040全包，6個人都食唔哂，大家都話以後出嚟都嚟呢度唔洗周圍再試，唔太多人坐得舒服
先嚟一人一盅氣鍋湯好清甜好足料
甜品喺壽包
喜歡煮食的我, 每日開心煮和大家分享每一餐
2024年6月27日星期四
2024年6月25日星期二
BB滿月啦
時間過得好快已經返咗一個月多啲，今日BB滿月好開心，先祝BB 快高長大，健康幸福快樂，一早搞掂家中各人出門自己食埋早餐都出去，通常都好忙，今晚婆婆同大姨媽姪仔嚟食飯，我回去先搞掂BB，BB越大越醒目知道個個都錫就睇人蝦，搞掂完趕湯，燉湯，午餐後同BB沖涼之後再準備下午茶同晚餐，今晚煮些少因為叫外賣，午餐我就請媽咪食魚同蝦祝她們一家成世開心笑蝦蝦，忙忙忙都喺遲咗成個鐘先收工
簡單滿月晚餐
午餐
好朋友送比媽咪同BB好有滿月feel
Bb 滿月啦
Bb 開始大日間瞓得少就同她玩，好叻已經自己攞住玩具
媽咪冇需要搞咩嘢，簡單買舊燒肉同自己準備咗啲紅雞蛋同蛋糕畀bb捉祝一家健康幸福快樂
2024年6月19日星期三
2024年6月16日星期日
父親節的晚餐在潮豐
今日又喺一年一度的大節日，祝天下每位父親都健康幸福快樂，四大長老在世時今日就2邊走，而家就輪到啲女同爸爸慶祝，今日都一早起身準備簡單早餐同老公食後清潔一下就出去行一陣再等啲女去飲茶，飲完茶就同老公買定一星期的肉同菜，回家執好後等埋啲女又出去晚餐，大女話試過呢間幾好帶我哋去試下，去到人唔多剛好有張大枱，我哋6個人叫咗8樣嘢，本來想叫鵝片最後叫咗個鹵水拼盤好失望，以為有鵝片同其它拼埋一齊點知撈埋一齊，只有椒鹽九肚魚喺最好，其它無咩特別，埋單差唔多成千元我同老公都覺得唔值，我哋2個應該唔會再去，開開心心又一日
蠔餅
2024年6月14日星期五
囡囡生日晚餐在翟道翟
今日囡囡又大一生，大咗正日通常都約咗朋友，今年就自己一家四口出外食慶祝，話最後一個單身生日好搞笑，祝囡囡生日快樂，健康幸福，今日個個都要返工一早起身搞掂各人出門後自己都早出門，諗住早啲去今晚就唔需要太夜走，點知都喺好忙，差唔多收工BB好唔想我走咁，已經提早餵完，但最後又大便又扭計，我唔好意思話我約咗人晚餐唔可以太遲，我搞掂哂媽咪就幫忙自己抱住，好彩她老公回來我可以安心走，阿囡話食泰國嘢就訂咗7點枱各自直接上去，我都差唔多遲些少，她們叫定嘢拼盤，她最愛的金邊粉，細女叫咗個燒骨，我就叫咗個湯，老公就叫菜加多個生菜包，大女又想飲椰青叫咗，點知嚟時個椰青唔新鮮有酸味同她講完都立即換，其它菜開始嚟好快，我哋坐低食埋都無一個鐘，不停有人同我哋收嘢，原來出面好多人等，老公話食完就埋單唔好阻住，呢間喺綱睇食評話好好，而我覺得都可以，但食物太咸可能平時食得比較清，價錢都喺一般唔太貴又唔喺特別平，回家後阿女朋友專登買蛋糕上嚟慶生日，開開心心又一晚
冬陰功海鮮湯
炭燒排骨
生菜用好靚靚嘅木單車裝
正日一定要食蛋糕
2024年6月10日星期一
端午節的晚餐
一年一度的端午節，今日都女開工個媽咪安排咗同BB 出去影相，好彩時間改咗喺早上，今晚就可以回家食飯，早2日個媽咪問今日可唔可以同BB 出去影相話book 咗4點半，我話端午節果間公司會唔會早收，媽咪先話喺喎都唔記得，講咗一輪先改到時間，今日家中各人休息，只係我要返，如果唔喺要早啲過去準備定個湯就唔需要6點幾起身，可以瞓多個鐘先出門，今日都係忙，忙，忙，過到去先準備好煲定湯，9點幾就出門到咗影影影搞掂已經差唔多一點搭車回家後先趕同BB沖涼因為通常果啲地方同衫都好汚怕BB 皮膚嫩容易敏感，沖完就趕午餐好彩煲咗湯先叫她們飲湯先，邊切邊洗邊煮差唔多2點幾先有得食，食完就準備燉湯小食做下午茶，跟住準備埋晚餐後又過咗5點半放工時間，諗住今日做節可以準時收，最後都遲咗其實都已經好好，如果唔係無改就影完回家可能8點幾，沖埋涼再整埋晚餐可能就更夜，今日老公休息就簡單整，買咗糉應節
咸肉糉無咩料但都好味
訂閱：
文章 (Atom)